Search
  • jaygraphicsm2

Ayiti: Rezime Nouvèl ki te fè Aktyalite Jounen 3 Avril 2020

  • «AYITI / DIPLOMASI»: Ayiti pran konròl Conseil permanent de l’Organisation des Etats américains nan OEA pou rive jiska mwa jen 2020. Se anbasadè Ayisyen nan OEA a, Léon Charles, ki ranplase nan P`os la guyanais, Riyad Insanally. Léon Charles mande Dirijan nan Rejyon an pou yo fè prèv lespri kreyativite pou yok a kontibiye pou ranfòse sistèm sante a nan objektif pou kwape Pandemi Koronaviris la.

  • «AYITI / ADMINISTRASYON»: Ansyen Minis Jistis l ak sekirite piblik la, Me Jean Roudy ALY, jwenn nominasyon li yè jedi 2 avril 2020 an, kòm Coordonnateur général de l’Office de Management et des Ressources Humaines (OMRH). Pandan seremoni an ki te prezide pa premye minis l’an Joseph Jouthe, nouvo titilè OMRH la, di li pran agajman poul fè aplike Program Modènizasyon Leta Peyi Dayiti.

  • «AYITI / LAPRÈS»: Jounalis Radio Télé Zenith Robest Dimanche te resevwa anpil kou nan tèt, bouch li madi ki te 24 mas pase a, nan men ajan sekirite Office National d’identification (ONI) pandan li te ale pran kèk enfòmasyon sou kòman enstitisyon sa ap fonksyone vizavi dispozisyon Gouvènman an pran pou evite Propagasyon koronaviris la.

San pèditan, li te ale pote plent nan pakè Potoprens kont ajan sa yo, ke palaswit ki te prezante ak avoka yo jou ki te 31 mas 2020 an.

Jounalis la denonse mannèv kap fèt ak tout sòt montaj pou yo devye dosye a. AJIH ak lòt asosyasyon Jounalis ap swiv pi prè dosye a.

  • «LE MOND E KORONAVIRIS»: Gen Plis ke yon 1000 000 moun sou tout tè a ki kontamine ak koronaviris ak anviwon 54 000 moun ki déjà mouri, selom dènye enfòmasyon Université Johns Hopkins ki nan États-Unis d’Amérique t’a fè konnen. Li presize, ke kote ki gen plis moun ki kontamine ak Koronaviris la se Etazini kote ki gen plis ke 245 000 ka ak plis ke 6 000 moun ki deja mouri.

  • «AYITI / SOSYETE»: Ajan Polis Nasyonal Dayiti (PNH) ki nan soukomisarya nan Mache Salomon an, te arete atis Jean-Jean Roosevelt maten an, epi maltretel selon sa temwen ki te sou plas yo t’a fè konnen.

Toujou daprè Temwen yo, sa rive akoz ke atis la te mal kanpe machin li, epi Polisye yo pran lisans li sanke yo pa bal fich kontravansyon an. Atis la revòlte E sa vinn koz yon altèkasyon ant limenm ak Polisye yo ki mennen a arestasyon li, ke popilasyon an pa dakò E ki tap manisfete devan soukomisarya a pou jwenn liberasyon atis la. Dezèd tan aprè Arestasyon an, Atis la tapral jwenn liberasyon li an prezans de Ansyen Depite Caleb Desrameaux E Direktè Jeneral Biwo Nasyonal Etnoliji a, Hérold Josué. Atis la konfime ke polisye yo te maltretel vre.

  • «AYITI / REPONS A KOVID-19»: Conseil d’Administration de la Banque Mondiale apwouve yè jedi a, yon Don 20 milyon dola ameriken pou yon pwojè pou peyi dayiti ki rele « Haïti : Réponse au Covid-19 ». Pwojè sa la, poul reponn ak menas pandemi koronaviris la, pandan lap ranfòse kapasite analiz laboratwa ki an Ayiti yo ki la pou pran anchaj moun ki teste pozitif yo.

Daprè sa Direktris Bank Mondyal pou Ayiti a, Madam Anabela Abreu deklare, aksyon sa, ap pèmèt tou, yo kwape pwopagasyon viris la, epi sove anpil vi an Ayiti.

  • «AYITI / EKONOMI»: Manm Sendika OAVCT yo pa vle Liné Balthazar kòm Direktè Enstitisyon an. Prezidan Union des syndiqués réformistes OAVCT a, Levelt Clerville akize Prezidan PHTK Liné Balthazar kòm kwa vle privatize OAVCT. Li fè konnen ke sa pap pase paske OAVCT pa ni Minotri, ni Siman dayiti, ni Teleko, brèf OAVCT pa pou vann.

  • «AYITI / KOVID-19 / EDIKASYON»: Ansyen Ministre de l’Éducation Nationale, Nesmy Manigat, ki se Président du Comité de Gouvernance et d’Éthique du Partenariat Mondial pour l’Éducation di ke li swete difikilte ke koronaviris la koze edikasyon an nan peyi Dayiti kòm tout lòt peyi, se yon okazyon pou Leta tou fè refòm pou mod`enize sistèm edikatif ayisyen an.

  • «AYITI / SOSYETE / LAPRÈS»: Sou lòd komisè Gouvènman pòtoprens lan Me. Jacques Lafontant, Lapolis arete jodi vandredi 3 avril 2020 an, animatè Radio Tele Eclair la, ki vedèt Emisyon ‘’Matin Débat’’a, Luckner Désir alias Louko. Jiskaprezan, poko gen oken esplkasyon sou rezon arestasyon sa

  • «AYITI / KORONAVIRIS » Bureau des Avocats Internationaux (BAI) anonse jodi vandredi 3 avril 2020an, kreyasyon yon komisyon obsèvatwa kont tout fòm vyolans sante sou moun nan peyi a. Li pwomèt lap akonpaye jiridikman tout moun ki ta enfekte pa koronaviris la ke yo t’a refize bay swen.

SAL NOUVÈL

Blaise Charles

REDAKSYON

Dumas Wendy

REPÒTAJ

  • Stephenson

FRANÇOIS

  • Ricardo Pedro

DESRUISSEAUX

  • Wilder

RESIGNAC

  • Evens

VINCENT

  • Edouard

JEAN BAPTISTE

  • Roulad

BIEN-AIME

HCS-TV.- Une énorme mécanique au service de l’information

1 view
Who's Behind The Blog
Recommanded Reading
Search By Tags
Follow "THIS JUST IN"
  • Facebook Basic Black
  • Twitter Basic Black
  • Black Google+ Icon