Search
  • jaygraphicsm2

Ayiti: Rezime Nouvèl ki te fè Aktyalite Jounen 5 Avril 2020

  • «AYITI / SEKIRITE»: Yon Jèn gason ke yo idantifye sou non “Reynold” ki se yon komèsan jwenn lanmò li anba plizyè bal endividi ki te sou moto ke yo pa rive idantfye, yèswa nan Kafou Fèy tou pre Mache Tunel la, bò Lise nasyonal Kafoufèy la.

  • «AYITI / JISTIS / DÈY»: Sistèm Jidisyè Ayisyen nan nan dèy. Me. Édouarzin Maurisseau mouri jodi dimanch 5 avril 2020 an dan yon lopital ki nan kapital la.

Me. Édouarzin Maurisseau te okipe Pòs Commissaire du Gouvernement près le tribunal de première instance de Petit-Goâve, département de l’Ouest.

Avan li te mouri, li tap travay nan kabinè Minis Jistis, Me.Lucmane Délile.

  • «AYITI / KORONAVIRIS»: Depatman Sid, se sèl kote jiskaprezan poko gen ka koronaviris. Pou evite kontaminasyon, Responsab Association des Propriétaires et Chauffeurs d’Haïti (APCH) branch Sid la ak Otorite meri Okay yo, te pran desizyon pou kanpe transpò Pòtoprens-Okay pou yon ti tan, pou evite pwopagasyon koronaviris la, E anpil nan popilasyon an te aplodi desizyon sa.

Men, konsta ki fèt jodi dimanch 5 avril 2020 an, vè 10 zè nan maten, estasyon ki fè trafik Pòtopresn/Okay yo tap fonksyone menm jan yo te konn fèl la, avan koronaviris te rantre nan Peyi a.

  • «AYITI / KORONAVIRIS»: Ministère de la Santé publique et de la Population (MSPP), konfime premye ka moun ki mouri ak koronaviris, jodi dimanch 5 avril 2020 an.

Moun sa te gen 55 lane, daprè yon nòt ki siyen pa Minis Sante piblik la, Marie Gretta Roy Clément.

  • «AYITI / KORONAVIRIS / EDIKASYON»: Sendika Pèsonèl Ministè Edikasyon nasyonal la (SPEMENFP) bay respè ak Pwomès akonpayman ke Gouvèneman Ayisyen an fè pou ede moun nan sektè edikatif la fè fas ak difikilte osinon kriz ke pandemi koronaviris la koze nan tout sosyete a.

Men, li swete pou se pa bèl pawòl sèlman. Fòk gen aksyon tout bon ki poze.

Li swete tou, pou ministè a fè tout sal kapab pou jan li di sa, pèmèt elèv lekol yo kontinye swiv kou sou rezo media ke li di lap mete pou yo ka fini boukle ane eskolè a.

  • «AYITI / MIGRASYON»: Otorite Maritim Îles Turcks and Caïcos yo, rive arete yè samdi 4 avril 2020 an, anviwon 200 Ayisyen kite nan 10 bato ki te sòti nan Kot Nò Peyi Dayi, komin Bogne ki tap eseye rantre ilegalman sou Lil la.

Otorite Lil la mete 5 nan prizon, gen 5 ki gentan sove epi yo retounen bay Ayiti 200 selon enfòmasyon Otorite Komin Bogne la ki nan depatman Nò peyi a, fè konnen.

SAL NOUVÈL

Blaise Charles

REDAKSYON

Dumas Wendy

REPÒTAJ

  • Stephenson

FRANÇOIS

  • Ricardo Pedro

DESRUISSEAUX

  • Wilder

RESIGNAC

  • Evens

VINCENT

  • Edouard

JEAN BAPTISTE

  • Roulad

BIEN-AIME

HCS-TV.- Une énorme mécanique au service de l’information

1 view
Who's Behind The Blog
Recommanded Reading
Search By Tags
Follow "THIS JUST IN"
  • Facebook Basic Black
  • Twitter Basic Black
  • Black Google+ Icon