Search
  • jaygraphicsm2

Ayiti: Rezime Nouvèl ki te fè Aktyalite Jounen 6 Avril 2020

• *«AYITI / KORONAVIRIS»*: Kantite moun ki atrape koronaviris nan peyi Dayi depase 24 selon dènyè Enfòmasyon ke Ministè Sante Piplik pibliye jodi lendi 6 avril 2020 an.

Li fè konnen tou ke Me Edaouarzin Morisseau, ki te manm Kabinè Ministeryèl Ministè jistis la, mouri efektivman a koronaviris.

• *«AYITI / KORONAVIRIS / FAKTORI»* Responsab plizyè òganizasyon Sendigal nan domèn Faktori yo, ak Konfederasyon Tarvayè Aysyen yo, denonse jodi lendi 6 avril 2020 an, mank respè prensip ijèn sanitè yo nan plizyè faktori nan SONAPI (Société nationale des parcs industriels) nan yon konferans pou Laprès yo te bay maten an.Yo di se vre, yo te aplodi desizyon pou faktori yo ouvri pòt yo, men yo remake pa gen oken sipèvizyon ki fèt pa ministè sante pilblik la, sou fason moun yo dwe proteje tèt yo pou yo pa atrape koronaviris la

• *«AYITI / SIKILASYON / AKSIDAN»* 35 Moun victim nan 24 aksidan kite fèt nan semen 30 mas pou rive 5 avril 2020 an, daprè bilan òganisazyon STOP Accidents. Nan 35 ka aksidan yo, gen 2 moun pèdi lavi yo E ladan yo gen yon timoun 10 zan ak 33 lòt ki blese.

Men kote aksidan sa yo te rive : Hinche, Camp Pérrin, L’Estère, Carrefour Charles (Jérémie), route 9, Delmas 32, Léogane, Montrouis, Barrière battant (Route de Milot).

• *«AYITI / KORONAVIRIS»* Pemye Minsis l’an Jouthe Joseph anonse ke Tout manm Gouvèneman an ak tout anplwaye Primati yo ap kòmanse fè tès koronaviris la depi jodi lendi 6 avril 2020 an. Li fè konnen tou, tout biwo ONI yo ap fèmen pou evite pwopagasyon koronaviris la, san konte yon pakèt lòt mezi ki pran pou biwo leta ki ouvri yo, pou amploye yo ak moun kap vinn pran sèvis yo pwoteje tèt yo kont koronaviris la.

• *«AYITI / RARA»* Pou pipiti, yon moun jwenn lanmò li dekapite ak plizyè lòt ki blese nan yon afrontman ant 2 bann Rara, yè dimach 5 avril 2020 an, nan komin Chansolme, Depatman Nòdwès Peyi Dayiti.

• *«AYITI / KORONAVIRIS»* Yon nouvo mòd transmisyon koronaviris la kòmanse ap vale teren nan peyi Dayiti : Transmisyon kominotè. Sa vle di yo kòmanse jwenn ka ke moun pran koronaviris nan frote ak lòt moun nan kominote a. Donk selon otorite yo, nan jou kap vini yo, bagay yo pral rèd nan peyi dayiti ak koze koronaviris la. Donk otorite yo prevwa pran lòt mezi ki pi drastik pou kwape pwopagasyon viris la.

*SAL NOUVÈL*

Blaise Charles

*REDAKSYON*

Dumas Wendy

*REPÒTAJ*

- Stephenson

*FRANÇOIS*

- Ricardo Pedro

*DESRUISSEAUX*

- Wilder

*RESIGNAC*

- Evens

*VINCENT*

- Edouard

*JEAN BAPTISTE*

- Roulad

*BIEN-AIME*

HCS-TV.- *Une énorme mécanique au service de l’information*

0 views
Who's Behind The Blog
Recommanded Reading
Search By Tags
Follow "THIS JUST IN"
  • Facebook Basic Black
  • Twitter Basic Black
  • Black Google+ Icon