Search
  • jaygraphicsm2

Ayiti: Rezime Nouvèl ki te fè Aktyalite Jounen 15 Avril 2020


  • « AYITI / KORONAVIRIS » Gouvènman Ayisyen an ap double efò li pou gen plis Oksigèn nan Sant kote yap resevwa moun ki enfekte ak koronaviris yo. Direktè Jeneral Sante Piblik ak Popilasyon an, Dr Lauré Adrien, fè konnen ke gen plizyè kòmand bonbòn vid ke gouvènman an gentan fè, ki pral pèmèt yo prodwi plis oksijèn, kote yo anvizaje mete yon sant prodiksyon oksijèn nan chak depatman Peyi a.


  • « AYITI / KORONAVIRIS » Daprè bilan Ministère de la Santé Publique et de la Population (MSPP), pibliye jodi mèkredi 15 avril 2020 an, Ayiti gen 41 moun ki teste pozitif savledi ki gen koronaviris. Nan 41 ka sa yo, gen 38 ki vinan, 3 mouri E poko gen youn ki geri.


  • « KORONAVIRIS / IMIGRASYON » Anviwon 144 000 moun ke %98 ladan yo se Ayisyen, kap viv an Repiblik Sendomeng ki tap travy nan sektè enfòmèl la, twouve yo nan gwo difikilte koz yo pa fè pati kategori moun ki tonbe nan chomaj koz koronavisris la , ki ap resevwa sibvansyon nan men Gouvènman Dominiken an, selon sa OIM fè konnen nan yon rapò. Se sa, ki esplike konsta anpil Ayisyen kap viv Sendomeng, chak jou rive sou fontyè Wanament l’an pou tante rantre nan Peyi a, ki se yon risk pou ogmante pwopagasyon koronaviris la nan peyi Dayiti.


  • « AYITI / SEKIRITE » Popilasyon ki nan komin Milot, Depatman Nò Peyi Dayiti, rive touye yon endividi ke yo pa di non li, yè madi 14 avril la, ke yo akize ki t’a youn nan moun ki te asasine Bòfrè Ansyen Senatè Jean-Charles Moïse, Analigène Cheranfant.

Prezime asasen an, te mouri ak kout wòch popilasyon an ozanviwon 3 zè nan aprèmidi nan zòn « Haut-du-Cap »,

ke Jij Levy Augustin t’apral bay lòd pou leve kò a, aprè konsta legal.


  • « AYITI / SEKIRITE » #1 Conseil Supérieur de la Police Nationale (CSPN) la, Joseph Jouthe fè konnen jodi mèkredi 15 avril 2020 an, nan yon konferans pou Laprès ke li te bay lakay li, ke li pale ak Chèf Gang Vilaj de Dye yo, nan objektif pou yo remèt zam. Li anonse ke li déjà etabli kontak ak mesye ame sa yo ansanm ak Commission Nationale de Désarmement Démantèlement et Réinsertion (CNDDR) pou yo remet zam answit pou vini veritab ajan devlopman nan kominote y oye a.


  • « AYITI / EKONOMI »Depi vandredi 20 mas 2020 pase ke yo te detèmine premye ka koronaviris nan Peyi Dayiti, gouvènman an te pran dispozisyon pou fèmen Faktori yo, Premye Minis l’an Joseph Jouthe anonse jodi mèkredi 15 avril 2020 an, ke faktori sa yo pral reouvri.

Men, li fè konnen ke Faktori sa yo pral travay avèk sèlman %30 kapasite yo, tout pandan yap respekte prensip ke otorite sanitè yo mande pou redwi pwopagasyon Koronaviris la.

SAL NOUVÈL

Blaise Charles

REDAKSYON

Dumas Wendy

REPÒTAJ

  • Stephenson

FRANÇOIS

  • Wilder

RESIGNAC

  • Edouard

JEAN BAPTISTE

  • Roulad

BIEN-AIME

  • Junior A.

DERIUS

HCS-TV.- Une Énorme Mécanique au Service de l’Information

0 views
Who's Behind The Blog
Recommanded Reading
Search By Tags
Follow "THIS JUST IN"
  • Facebook Basic Black
  • Twitter Basic Black
  • Black Google+ Icon