Search
  • jaygraphicsm2

Ayiti: Rezime Nouvèl ki te fè Aktyalite Jounen 16 Avril 2020

  • « AYITI / ENSEKIRITE » Ajans HCS-TV viktim de zak bandi ki volè Machin Ajans l’an ki se yon Chevrolet GEO Tracker Noir ki gen Matrikil BB-15162. Sa pase yè swa lanwit 15 avril pou rive lajounen 16 avril 2020.

Ajans l’an mande Popilasyon an, nen pòt kote yo ta remake machin nan, pou yo alète Lapolis osinon rele nan 37 55 97 17

  • « AYITI / KORONAVIRIS » Ministère de la Santé publique et de la Population (MSPP) konfime jodi jedi 16 avril 2020 an, 43 moun ki kontamine ak kovid-19. Nan 43 moun sa yo, Ministè a presize gen 3 ki mouri, zero geri. Li kontinye ankouraje popilasyon an pou yo kontinye respekte konsiy ijèn yo.

  • « AYITI / KORONAVIRIS » Platfòm “Sitwayen Angaje w” nan yon konferans pou Laprès li te bay 14 avril pase a, li ankouraje gouvèneman Jouthe la, poul pran tout dispozisyon nesesè pou evite peyi a tonbe nan yon gro problèm ekonomik ki pi grav ke nan sal te ye a, avan kovid-19 la.

Nan yon dokiman ki gen siyati Sekretè Jeneral Platfòm nan, Me Valéry Dutreil Jacques, yo bay leta kèk sigjesyon sou fason pou yo itilize kòb yo resevwa pou jere kriz koronaviris la.

Yo propoze pou Leta envesti l nan prodiksyon agrikòl ki pap pran anpil tan (mayi, Pwa ….) pandan yo dwe panse ak yon kredi agrikòl pou tout Peyizan yo. Anplis de sa, yo mande pou otorite yo panse ak bonjan restoran kominotè kap apeze grangou popilasyon an nan peryòd Kovid-19 la.

  • « AYITI / KORONAVIRIS / REOUVETI FAKTORI YO » Yon mwa depi tout faktori nan Peyi Dayiti te fèmen Pòt yo depi aprè otorite yo te finn konfime premye ka koronaviris nan peyia, Chèf gouvèneman Aysyen an, Joseph Jouthe te anonse mèkredi pase a, nan yon konferans pou laprès, reouvèti faktori sa yo pou semèn kap vini la. Desizon sa, se pa tout sektè sendikal la ki te wèl byen.

Pou Thélémaque Pierre, desizyon sa pa bon ditou. Li esplike. “Lè yo te fèmen Faktori yo, pot ko gen ka koronaviris, kounye gen plis ke 40, epi yap mande nou pou nou repran travay. Eske gouvènman nan konprann sal vle fè vrèman oubyen èske se yon konplo kont ouvrye yo’’

  • « AYITI / EDIKASYON » Ministère de l’Education Nationale et de la Formation Professionnelle (MENFP) anonse nan yon kominike pou Laprès yè 15 avril 2020 an, ke admisyon Elèv 3 Premyè Ane Fondamantal yo, ap fèt Otomatikman.

Se yon Desizyon ke Minis Edikasyon an, Pierre Josué Agénor Cadet pran jou ki te 14 avril 2020 an, kote li deside ke tout elèv 1yè, 2zyèm ak 3zyèm Ane lekòl Fondamantal yo, dwe admi nan klas siperyè a yon fason otomatik apati ane akademik 2020-2021 kap vini la.

Li esplike rezon desizyon an, sa ap pèmet gen mwens timoun ki abandone lekòl koz yap pede redouble, ki vinn ogmante nonb ti moun ki te déjà pa frekante lekòl. Li te bay lòt detay ankò sou rezon desizyon sa.

SAL NOUVÈL

Blaise Charles

REDAKSYON

Dumas Wendy

REPÒTAJ

  • Stephenson

FRANÇOIS

  • Wilder

RESIGNAC

  • Edouard

JEAN BAPTISTE

  • Roulad

BIEN-AIME

  • Junior A.

DERIUS

HCS-TV.- Une Énorme Mécanique au Service de l’Information

0 views
Who's Behind The Blog
Recommanded Reading
Search By Tags
Follow "THIS JUST IN"
  • Facebook Basic Black
  • Twitter Basic Black
  • Black Google+ Icon