Search
  • jaygraphicsm2

Ayiti: Rezime Nouvèl ki te fè Aktyalite Jounen 17 Avril 2020

  • « AYITI / KOVID-19 » Pati Politik ‘’Fusion des Sociaux Démocrates’’ denonse nan yon nòt pou Laprès ke li te bay yè jedi 16 avril 2020 an, pakèt depans egzajere ke administrasyon Moïse/Jouthe ap fè nan kad lit pou pwoteje Popilasyon an kont koronaviris la. Selon pati a, depans ki gentan fet reprezante 70% de bidjè ki te programme pou sa san konte enprevi, pandan poko gen vrèman oken mezi toutbon ki pran pou ede popilasyon an kwape pwopagasyon koronaviris la. Kòdonatris Pati a, Edmonde S Beauzile di non ak fòm Kòrupsyon sa E mande popilasyon an poul kale zye li.

  • « AYITI / KORONAVIRIS » Premye Minis Ayisyen an, Joseph Jouthe ansanm ak Kòmandan Chèf Polis Nasyonal Dayiti a, Normil Rameau, nan yon tweet ki pibliye pou pliblik la, jodi vandredi 17 avril 2020 an, promèt kò polis la yon Prim 10 mil goud nan kad lit kont kovid-19 la.

Pou fini, Premye Minis l’an, Joseph Jouthe presize nan tweet li a, ke kòb sa ap sou kat debi tout polisye yo apati madi kap 21 avril 2020 an.

  • « AYITI / DESÈ » Annette Auguste alyas “Sò Anne” mouri yè jedi 16 avril 2020 an nan Lopital Bernard Mevs.

Selon enfòmasyon yo, Militant Politik Annette AUGUSTE te soufri kansè depi kèk ane, E se maladi sa ki t’a baz desè li.

  • « AYITI / SEKIRITE » Fortuné Watson, se non yon Polisye ki te sòti nan 24yèm Pwoposyon Polis nasyonal la, ke endividi ak zam ki te sou motosiklèt ke moun pa rive idantifye Tire, jodi vandredi 17 avril 2020 an.

Sa pase nan komin Cité Soeleil, pesizeman nan kafou Carrefour Drouillard vè 11zè nan maten kote Polisye a te an fonksyon ap travay, resevwa yon bal nan tè e mouri sou plas.

  • « AYITI / SEKIRITE » Fortuné Watson, se non yon Polisye ki te sòti nan 24yèm Pwoposyon Polis Nasyonal la, ke endividi ak zam ki te sou motosiklèt ke moun pa rive idantifye Tire, jodi vandredi 17 avril 2020 an.

Sa pase nan komin Cité Soeleil, pesizeman nan kafou Carrefour Drouillard vè 11zè nan maten kote Polisye a te an fonksyon ap travay, resevwa yon bal nan tè e mouri sou plas.

  • « AYITI / SEKIRITE » Ajan Brigade ‘’Lutte contre le Trafic de Stupéfiants’’ sezi yè jedi 16 avril 2020 an, nan Tabarre 64, 128,375 kg Pay ‘’Marijuana’’, 11,065 kg ‘’pourdre blanchâtre cocaïne’’, ak yon montan 3790 $ us, plis zam tip ‘’MP5, T65’’ ak yon Pistolè ‘’Police Nationale d’Haïti’’, mak ‘’Taurus, modèle PT809E, numéro série TFX46630 ‘’.

  • « AYITI / SEKIRITE » Abitan site “Senta” komin Saint-Marc nan Depatman l’Artibonite te mete barikad e boule kawotyou, voye wòch sou machin kap pase, jodi vandredi 16 avril 2020 an, pou egzije otorite lokal yo Dlo potab pou komin nan. Sitiyason sa te lakoz anpil blokis pandan plzyè èd tan nan lokalite sa.

  • « AYITI / MASAK NAN BISANTNÈ » Afrontman ant Gang ame ak Lapolis nan 3zyèm sikonskripsyon Pòtoprens l’an, pipresizeman nan ‘’village de Dieu’’, fè plis ke 25 mò, selon yon ankèt ke ‘’collectif Défenseurs Plus’’, yon asosyasyon kap defan dwa moun fè. Anthonal Mortimer, ki se kodirektè asosyasyon an esplike yo resanse plizyè dizèn moun ki blese kap pran swen lopital pou moman an, san konte gen plis ke 100 kay ki boule ak santèn moun ki ki oblije kite lakay yo.

Kodirektè a, kontinye pou l di, malgre Gang ame nan Vilaj de Dye yo te anonse yo pral mete dife, touye moun nan 3zyèm sikonskripsyon an, si Lapolis pa leve barikad yo mete nan bisantnè a, Otorite yo pat pran oken dispozisyon pou te evite sa rive.

Kolektif la, pou fini mande a otorire yo, pou yo f`e kou yo konnen pou retounen ak lapè nan katye sa yo.

  • « AYITI / EKONOMI » Goud la pakapab reziste ankò devan Dola ameriken an. Pou premye fwa nan istwa nou, fòk ou gen plis ke 100 goud pou yon dola ameriken nan anpil bank komèsyal nan Peyi a.

SAL NOUVÈL

Blaise Charles

REDAKSYON

Dumas Wendy

REPÒTAJ

  • Stephenson

FRANÇOIS

  • Wilder

RESIGNAC

  • Edouard

JEAN BAPTISTE

  • Roulad

BIEN-AIME

  • Junior A.

DERIUS

HCS-TV.- Une Énorme Mécanique au Service de l’Information

0 views
Who's Behind The Blog
Recommanded Reading
Search By Tags
Follow "THIS JUST IN"
  • Facebook Basic Black
  • Twitter Basic Black
  • Black Google+ Icon