Search
  • jaygraphicsm2

Ayiti: Rezime Nouvèl ki te fè Aktyalite Jounen 20 Avril 2020

  • « AYITI / SEKIRITE » Lapolis Nasyonal Dayiti stope yon sèten Nelson, nan Anse-d’Hainault, Depatman Grande-Anse, yè Dimach 16 avril 2020 an, nan chanje kout zam ak Polisye yo.

Selon enfòmasyon PNH la, endividi sa se te yon manm Gang 5 segond ki baze li nan Vilaj de Dye, Bisantnè, rantre Sid Peyi Dayiti.

  • « AYITI / KORONAVIRIS » Organisation internationale IndustriAll Global Union nan yon lèt li voye bay Prezidan Jovenel Moïse, 17 avril 2020 an, atire atransyon Prezidan sou nesesite poul mete anplas yon pwotokòl ki reponn pou asire sekirite ouvriye ke li mande pou retounen travay nan Faktori yo ki pliske 60 000, semèn 20 avril 2020 an. Òganizasyon an, kwè ke li trò bonè pou leta Ayisyen mande Ovriye yo retounen travay, pandan li poko pran vrèman mezi ki pou asire sekirite sanitè travayè ouvriye yo.

  • « AYITI / SEKIRITE » Omélus Romain, Colagenes Donald, Saint-Clair Job et Pierre Paul Fendy”, se non 4 envidi ke Lapolis arete yè Dimanch 19 avril 2020 an, nan Depatman Sid Peyi a.

Selon enfòmasyon ke Direksyon Depatmantal Sid (DDS) (PNH) la, fè konnen nan yon nòt pou Laprès, 4 endividi sa yo, se te manm gwoup ame “5 secondes” ki ap opere nan Pòtoprens nan ‘’Village de Dieu’’ Bisantnè, ki te kouri pou afrontman ki te deklanche semèn pase a nan Bisantnè a, kote youn nan chèf yo “Krapo” te pèdi lavil.

Pou kounye a, Prezime bandi sa yo nan gadavi nan komisarya Okay la, annatandan yo transfere yo nan kapital la pou swit legal yo.

  • « AYITI / KORONAVIRIS » “Mouvman Fanm Vizyonè Dayiti MOFAVIDA (Mouvement des Femmes Visionnaires d’Haïti en français), ak kolaborasyon Solidarite Edikasyon ak Libète SEL-AYITI (Solidarité Éducation et Liberté en français) E Radio Focus Press Groupe te òganize, yè dimanch 19 avril 2020 an, nan komin kafou, anpil aktivite sansibilizasyon pou ede kwape pwopagasyon koronaviris la.

Responsab òganizasyon sa yo, te akonpaye yon pakèt Jèn nan komin nan, pandan yo tap difize mesaj kap sansibilize moun yo, distribiye kash-nen, flyers bay moun kap pase, moun kap fè trafik moto, rantre nan mache piblik yo nan komin nan, sansibilize yo sou egzistans koronaviris la ak fason yo ka evite kontamine.

  • « AYITI / ENSEKIRITE » Anpil kout zam Otomatik tap chante, granm maten nan rantre Sid Kapital la, jodi lendi 20 avril 2020 an. Group gang ame yo kontinye ap troke kòn yo nan 3zyèm sikonskripsyon an pipresizeman nan zòn 4yèm avni Bolòs, saki te lakòz sikilasyon ak lòt aktivite te paralize nan zòn nan.

  • « AYITI / SEKIRITE » Action internationale pour les droits humains (AIDH) ki se yon òganizasyon kap defann dwa moun, nan yon nòt pou Laprès jodi lendi 20 avril 2020 an, di ke yo panse anpil ak fason ke leta ap itilze lajan ki disponib pou kwape pwopagasyon koronaviris la.

Kòdonatè AIDH la, Réginald Atus, presize ke selon enfòmasyon ki pibliye sou sit Ministè Finans ak Ekonomi, pou peryòd 25 mas pou rive 15 avril 2020, Leta Aysisyen déjà depanse 714 milyon goud yon bò, 19 milyon dola ameriken yon lòt bò nan kad lit kont pwopagasyon koronaviris la’

AIDH souliye tou, sa gen kèk jou ke Premye Minis l’an te anonse distribisyon sou tout teritwa Peyi Dayiti Mask ak lòt bagay ankò bay popilasyon an, ki poko janm fèt, pandan Premye Minis l’an Joseph Jouthe fè konnen ke Peyi a poko nan resevwa materyèl say o.

  • « AYITI / MASAK NAN BISANTNÈ » Afrontman ant Gang ame ak Lapolis nan 3zyèm sikonskripsyon Pòtoprens l’an, pipresizeman nan ‘’village de Dieu’’, fè plis ke 25 mò, selon yon ankèt ke ‘’collectif Défenseurs Plus’’, yon asosyasyon kap defan dwa moun fè. Anthonal Mortimer, ki se kodirektè asosyasyon an esplike yo resanse plizyè dizèn moun ki blese kap pran swen lopital pou moman an, san konte gen plis ke 100 kay ki boule ak santèn moun ki ki oblije kite lakay yo.

Kodirektè a, kontinye pou l di, malgre Gang ame nan Vilaj de Dye yo te anonse yo pral mete dife, touye moun nan 3zyèm sikonskripsyon an, si Lapolis pa leve barikad yo mete nan bisantnè a, Otorite yo pat pran oken dispozisyon pou te evite sa rive.

Kolektif la, pou fini mande a otorire yo, pou yo fè kou yo konnen pou retounen ak lapè nan katye sa yo.

  • « AYITI / KOVID-19 » Premye Minis Joseph Jouthe, nan yon lèt li adrese bay Minis Afè Etranjè ak Kil la, Claude Joseph, li te fèl sonje ke selon dekrè lwa ijans l’an, sèl Premye minis l’an ki ka otorize avyon rantre nan peyi a pandan peryòd ijan l’an. Nan lèt sa, chèf gouvènman an fèl sonje ke gouvènman an pap chanje kondisyon ke li fiske pou nenpõt ayisyen ki vle rantre nan peyi a nan peryòd koronaviris la. Men sa ki nan kondisyon yo : Tout Ayisyen ki bloke nan peyi etranje E ki vle rantre nan peyi a, dwe gen nan men yo, yon atestatsyon medikal ki di ke yo teste negatif, rezèvasyon Otèl yo ak biyè avyon yo, yon kondisyon ke ayisyen yo pa kontan ditou. Yo kritike Premye Minis l’an sou kesyon sa.

  • « AYITI / KOVID-19 » Ministère de la Santé Publique et de la Population (MSPP) anonse, jodi lendi 20 avril 2020 an, gen 10 nouvo ka kontaminasyon ak koronaviris nan peyi Dayiti. Pou kounyea, Ayiti gen 57 ka moun ki kontamine ak koronaviris

  • « AYITI / SEKIRITE WOUTYÈ » Daprè kominike (STOP ACCIDENTS), gen 72 moun ki viktim nan aksidan nan semèn 13 pou rive 19 avril 2020 an.

Ladan yo, gen pou pipiti 13 moun ki mouri ak 59 lòt ki blese.

SAL NOUVÈL

Blaise Charles

REDAKSYON

Dumas Wendy

REPÒTAJ

  • Stephenson

FRANÇOIS

  • Wilder

RESIGNAC

  • Edouard

JEAN BAPTISTE

  • Roulad

BIEN-AIME

  • Junior A.

DERIUS

HCS-TV.- Une Énorme Mécanique au Service de l’Information

3 views
Who's Behind The Blog
Recommanded Reading
Search By Tags
Follow "THIS JUST IN"
  • Facebook Basic Black
  • Twitter Basic Black
  • Black Google+ Icon