Search
  • jaygraphicsm2

REZIME NOUVÈL KI TE FÈ AKTYALITE JOUNEN 20 ME 2020


  • « AYITI / KOWONAVIRIS »


  • Gen 3 Doktè rezidan nan « l’hôpital de l’Université d’État d’Haïti (HUEH) » ke yo konnen sou non Lopital Jeneral, teste Pozitif, ou pou pi klè, yo gen enfekte ak kowonaviris, daprè sa yon Doktè kap travay nan Lopital la fè konnen, jodi mèkredi 20 me 2020 an.

Aprè yo finn dekouvri ka sa yo, administrasyon Lopital la, plase Doktè sa yo an Izolman epi fèmen pou yon ti tan, plizyè sèvis nan Lopital la : [Bloc opératoire d’urologie, chirurgie, l’orthopédie ak maternité a] pou evite pwopagasyon viris la nan Lopital la.

Doktè a presize tou, ke avan 3 ka sa yo, te gen yon Brankadye ki te enfekte e depi lè a, gen kèk Doktè ki te sibi tès Depistaj Minist`e Sante Piblik la, ak kèk lòt key o te mete an karantèn…


  • Yon Dominiken ki te sòti Los Piños en République Dominicaine, ki te malade pi gen sentòm ki mache ak kovid-19 la, mouri kay yon Medsen Fèy, nan vil Cornillon Grand Bois ki nan Arrondissement Croix-des-Bouquets, ki na Depatman l’Ouest Peyi Dayiti, jodi mèkredi 20 me 2020 an.

Majistra komin nan, Jean Balaguel Bertho fè konnen ke li te rele Otorite Sanitè yo pou ka detèmine koz lanmò a, pandan li pwofite plenyen pou mwayen li manke poul t’a sansibilize popilasyon an nan komin nan, ki gen pliske 70 mil moun, pandan li resevwa sèlman 5 mil mask…


  • Ansyen Depite Croix-des-Bouquets a, Jean Tholbert Alexis, remèt responsab Lopital Fermathe la, 11 mil dola ameriken, jodi mèkredi 20 me 2020 an.

Ansyen Depite a, te rive jwenn kòb sa, aprè li te finn lanse yon apèl ak tout ansyen palmantè yo, pou te kap bay yon ti kòb pou ede lopital Fermathe la ki te prèske fèmen akoz de pwoblèm finans ke pandemi kovid-19 la, tennen dèyèl…


  • Ministère de la santé publique et de la population (MSPP) anonse Ayiti pou kounye a, gen anviwon 600 ka moun ki gen kowonaviris ak 22 moun ki déjà mouri…


  • « AYITI / SEKIRITE »

Endividi ke yo pa rive idantifye, atake epi mete dife nan 2 plaj prive sou wout nasyonal #1 an ki sou côte des Arcadins, aprè yon abitan nan zòn nan te finn pèdi lavi l anba men yon lòt gwoup endividi ame ki sòti nan yon andwa ki pote non « Tèt Mòn ».

Selon delkarasyon youn nan abitan zòn nan, endividi ame sa yo ki gen baz yo kote ki rele « Tèt Mòn » nan, te debake epi tiye yon moun aprèsa yo ale san kè sote. Popilasyon nan zòn nan, fache pou zak sa, yo atake epi mete dife nan 2 plaj, ke yo estime mèt yo nan konivrans ak bann endividi ame sa yo ki t vinn e ki abitye atake yo….


  • « LATIBONIT / JISTIS »

Pati Politik Ayiti An Aksyon denonse, jodi mèkredi 20 me 2020 an, detansyon ilegal kòdonatè Adjwen pati a, Macsen Derilus, nan vil Saint-Marc depi pliske ke 12 jou, sanke li pa janm ka ale devan jij natirèl li, jan lalwa mande sa….



  • « AYITI / POLITIK »

Konpayi Telefonik Mobil Digicel, anonse ke li resevwa twazyèm Lis non ak nimewo telefòn 43 531 moun nan men otorite yo, yè madi 19 me 2020 an, pou yo fè depo sou kont Moncash chak moun sa yo 3072 goud nan kad pwogram pou ede popilasyon an pandan kriz sanitè a…



  • « HINCHE / JISTIS »

Komisè Gouvènman nan Hinche l’an, mete yon manda dare dèyè Socrate Simon, 15 me 2020 an, poutèt li te anrejistre Premye Minis Joseph Jouthe nan yon rankont ak Pwofesè nan jiridiksyon an, ki tap kritike minis finans l’an, pale mal de Lidè Politik yo, epi di ke Ayti pa egziste sou oken papye ak lòt vye deklarasyon ankò.

Yo akize Socrate Simon de « délit de presse et diffamation contre Joseph Jouthe »...



SAL NOUVÈL

Blaise Charles


REDAKSYON

Dumas Wendy



REPÒTAJ

Équipe Chasseurs en Action



HCS-TV.- Une Énorme Mécanique au Service de l’Information

5 views
Who's Behind The Blog
Recommanded Reading
Search By Tags
Follow "THIS JUST IN"
  • Facebook Basic Black
  • Twitter Basic Black
  • Black Google+ Icon