Search
  • jaygraphicsm2

REZIME NOUVÈL KI TE FÈ AKTYALITE Jounen Madi 1ye Septanm 2020


« AYITI / ENSEKIRITE »

  • Conseil Supérieur du Pouvoir Judiciaire (CSPJ) di ke sa te frape l anpil, lè li te aprann ke yo asasine Batonye Lòd Avoka Bawo Pòtoprens lan, Me Monferrier Dorval, vandredi ki te 28 dawou 2020 an, lakay li nan Perlerin 5. CSPJ a, anonse ke lap kanpe travay nan tout jiridksyon nan Peyi a, jikaske antèman defen an finn chante.

  • Minis Afè Etranjè a ak Kil, Claude Joseph, nan yon korespondans li voye bay kò Diplomatik la, yè 31 dawou 2020 an, esplike rezon ki fè ensekirite a ap remonte nan peyi a, se pou desizyon Leta pran nan kraze monopòl ak avantaj pèsonèl de yon ti gwoup moun nan domèn petwòl nan Peyi a. Li ajoute tout, koz gen moun tout kip a vle tande koze ale nan eleksyon, tout sa yo, se eleman ki koz lanmò Batonye Lò Bawo Pòtoprens lan, Me Monferrier DORVAL…

  • Ansyen Senatè Edgard Leblanc mande Popilasyon Ayisyèn nan pou yo reziste ak vag ensekirite ak pakèt sitwayen ke Bandi ame ap egzekite. Dirijan Pati Politik (OPL), (INIFÒS), (Fusion), nan yon konsètasyon, mande pou Popilasyon an rete vijilan pou y opa kite peyi a tonbe anba men bandi…

  • Sektè Opozisyon an « Secteur démocratique et populaire national », ki opoze ak rejim ki anplas la di li bouke ak degradasyon klima ensekirite nan Peyi a.

Kidonk, yo retounen ak menm refren an ‘’Jovenel Moise dwe ale’’…


  • Prezidan Jovenel Moïse kondane zak vyolans ki fèt yè aprèmidi sou Bel-Air a. Chèf leta di li bay premye minis lan lòd pou sitiyasyon an retounen nòmal Bel-Air pli vit ke posib.

Li kondane tou zak asasina ki fèt sou Batonye Lòd Bawo Pòtoprens lan, pandan li mande pou Lapolis la degajel retabli lapè nan Peyi a…


  • « AYITI / PWOTESTASYON»

Yon gwoup moun ki tap pwoteste nan anpil ri nan Pòtoprens kapital Peyi Dayiti, rive boule, jodi madi 1ye septanm 2020 an, yon machin sèvis Leta nan zòn Avenue Christophe et Jean Paul II. Daprè enfòmasyon yo, zak sa komèt pou di non a ensekirite kap galope dènye jou sa yo nan Peyi a…


  • « AYITI / TANSYON »

Li te nan 12h30 yo, nan komin Pétion-ville, presizeman nan Pèlerin 5, zòn kote Prezidan an rete a, anpil kout zam tap tire ak wòch ki tap voye, jodi madi 1ye septanm 2020 an…

  • « AYITI / GOUVÈNANS »

Prezidan repiblik la, Jovenel Moïse pran yon nouvo arete ki pibliye, yè lendi 31 dawou 2020 an nan Jounal Ofisyèl Peyi a ‘’Le Moniteur’’ kote li fè kèk nominasyon nan Administrasyon Piblik la.

Men 3 moun ki nome yo :

  1. Dr Jerry Chandler, nouvo « Directeur général de la direction de la protection civile »

  2. Mario Claude Saint-Rôme, « Directeur général adjoint de l’Office National de l’Aviation Civile (OFNAC) »

  3. Jean Rivière Renard, « vice-délégué de l’arrondissement de Port-de-Paix ».

  • « AYITI / MOVE TAN / SIKLÒN »

Gen yon Ond Tropikal ki trouvel nan Kanal La Mona, nan Lès Peyi Porto Rico, ka koze anpil lapli ak loraj sou tout teritwa Ayisyen ab, patikilyèman nan depatman « l’Artibonite, de l’Ouest, du Sud-est et de la Grand’Anse », selon bilten « l’Unité Hydrométéorologique (UHM) », pibliye, jodi madi 1ye septanm 2020 an…

  • « AYITI / KOWONAVIRIS »

Bilan pandemi kowonaviris la an Ayiti selon piblikasyon ofisyèl Ministè Sante piblik se : 8224 ka, 201 desè ak 5828 moun ki geri…


ANNOU KWAPE KOWONAVIRIS


  • Nap kenbe Distans

  • Nap mete Mas

  • Nap lave Men


SAL NOUVÈL

Blaise Charles


REDAKSYON

Dumas Wendy



REPÒTAJ


  • BIEN-AIME Roulad

  • COMPERE C. Morin

  • DENIS Louidji Mitchell

  • FRANÇOIS Stephenson


L’ACTU EN BRÈF

Une vraie Vision en Matière d’Information en Ligne





4 views
Who's Behind The Blog
Recommanded Reading
Search By Tags
Follow "THIS JUST IN"
  • Facebook Basic Black
  • Twitter Basic Black
  • Black Google+ Icon