Search
  • CalixteBoucher

REZIME NOUVÈL KI TE FÈ AKTYALITE Jounen Lendi 12 avril 2021

Croix-des-Bouquets: Konferans relijye ayisyen an rapòte 10 moun kidnape

Daprè yon nòt pou laprès ki te pibliye yè dimanch 11 avril 2021 an, Konferans relijye ayisyen an eksprime doulè li, men tou kòlè li aprè kidnapin dimanch maten an, kèk nan manm yo nan komin Croix-des-Bouquets. Konferans lan rapòte 10 moun kidnape, ki gen ladan 5 prèt, 2 mè ak 3 manm fanmi nan youn nan otaj yo…


Ayiti: Altèrsyon ant lapolis ak siklis, omwen 6 blesi pa bal nan Liancourt

Yon diskisyon ant ofisye polis yo ak siklis, kite omwen 6 blese nan Liancourt yè dimanch 11 avril 2021an. Blese sa yo ap resevwa swen ke ka yo mande, daprè yon sous ke nou ka fè konfyans…


Ayiti: Joseph Jouthe nye ke li nan konplisite ak bandi yo

Premye Minis Joseph Jouthe rejte akizasyon ke li nan konplisite ak bandi. Chèf gouvènman an te fè deklarasyon sa, pandan yon vizit nan Gran Nò Peyi Dayiti, aprè dènye move tan an…


Ayiti-sikilasyon: 5 moun mouri ak 38 blese sòti 5 pou rive 11 avril 2021

Selon dènye rapò ki pibliye jodi lendi 12 avril 2021 an, 16 aksidan yo te anrejistre nan peyi a sòti 5 pou rive 11 avril 2021. Aksidan sa yo kite 5 moun mouri ak 38 blese…


Komisyon Konsèy pati politik PLANSPA te vizite Gran Nò peyi a

Komisyon Konsèy Platfòm Nasyonal Sektè Popilè Ayisyen an (PLANSPA) te vizite Gran Nò Peyi Dayiti, yè dimanch 11 avril 2021 an. Se te yon vizit pou evalye travay ki gen rapò ak etablisman ak estriktirasyon pati a ki deja fèt nan depatman sa yo…


Achidyosèz Pòtoprens lan mande otorite ayisyen yo pou libere san kondisyon 5 prèt ak 2 mè ke yo kidnape yo

Achidyosèz Pòtoprens lan mande otorite ayisyen konpetan yo pou yo pran mezi ki nesesè pou libere 5 prèt yo, 2 mè yo ak 3 lòt moun key o te kidnape yè dimanch 11 avril 2021 an. Nan yon nòt pou laprès ki pibliye jodi lendi 12 avril 2021 an, Achevèk la "denonse konpleksite ak konplis kèlkeswa kote yo sòti"…

Ayiti: Dè santèn elèv lekòl segondè pwoteste kont ensekirite

Plizyè santèn elèv lekòl segondè te sòti nan Lise Alexandre Petion, Daniel Fignole, Tousen Louvèti ak Fritz Pierre Louis te pran lari nan Pòtoprens, jodi lendi 12 avril 2021 an, pou denonse klima ensekirite ki karakterize an patikilye pa kidnapin. Elèv sa yo denonse silans otorite yo devan fenomèn sa a, ki gen konsekans sou fonksyònman lekòl yo. Manifestan yo mande gouvènman an yon anviwònman ki estab e ki an sekirite pou yo kontinye pouswiv etid akademik yo avèk lapè nan tèt yo.

Nan moman pwotestasyon sa, yo te rive mete dife nan yon kamyon nan z`on chanmas...


Ayiti: 81.81 goud, pousantaj referans BRH la pou 12 avril sa a

Pousantaj referans Bank Repiblik Dayiti (BRH), pou lendi 12 avril 2021 an, se 81,81 goud pou chak dola ameriken…


ANNOU KWAPE KOWONAVIRIS

Nap kenbe Distans

Nap mete Mas

Nap lave Men


REDAKSYON

Equipe Salle des Nouvelles


REPÒTAJ

Chasseurs en Action


L’ACTU EN BRÈF

Une vraie Vision en Matière d’Information en Ligne




16 views
Who's Behind The Blog
Recommanded Reading
Search By Tags
Follow "THIS JUST IN"
  • Facebook Basic Black
  • Twitter Basic Black
  • Black Google+ Icon