Search
  • CalixteBoucher

REZIME NOUVÈL KI TE FÈ AKTYALITE Jounen Lendi 18 oktòb 2021

Ayiti-grèv:

- Apèl pou fè grèv kont ensekirite a te respekte pandan jounen an

Grèv ki te lanse pa sendika transpò piblik kont ensekirite jodi lendi 18 oktòb 2021 an, te respekte nan Pòtoprens ak vil pwovens yo…


- Wout bloke, lekòl deranje nan Saint-Marc

Trafik machin te konplètman paralize jodi lendi sa nan Saint-Marc, nan okazyon jou grèv sektè transpò piblik la. Moun yo te tou deranje fonksyònman plizyè lekòl atravè vil la...


- Gwo dife, kawotchou anflame, yon machin boule nèt

Gwo kout zam te tande byen bonè jodi lendi sa nan Petyon vil. Barikad kawotchou tou limen te remake nan Pétion-Ville ak Jakmèl. Yon machin boule nan kapital la ak nan Depatman Sidès la, selon yon sous lokal…


Ayiti-Kidnape:

- Trant ka idantifye pandan semèn ki sot pase a, selon yon òganizasyon Dwa Moun

Pandan semèn ki sot pase a, yo te anrejistre apeprè trant ka kidnaping nan peyi a, espesyalman nan rejyon metwopoliten Pòtoprens lan. Pami kidnapin sa yo, gen 16 misyonè Ameriken ak yon Kanadyen kidnape Samdi pase nan Ganthier daprè yon nòt pou laprès ke òganizasyon an te pibliye jodi lendi sa...


- Etazini konfime kidnapin misyonè an Ayiti, travay pou libere yo

Etazini yè Dimanch lan konfime ke endividi ak zam kidnape an Ayiti 17 moun, ki gen ladan 16 Ameriken. Yo te di ke yo tap travay ak otorite ayisyen yo pou lokalize e libere gwoup la, ki gen misyonè yo ak fanmi yo…

Ayiti: Fòmasyon KEP, rate gaz ak ensekirite anpeche ANMH fè chwa li yo

Nan yon korespondans ki te dat 13 oktòb 2021 bay Premye Minis Ariel Henry, Asosyasyon Nasyonal Medya Ayisyen (ANMH) te di li pat kapab voye non pou fòmasyon Konsèy Elektoral Pwovizwa a. Li mansyone pwoblèm gaz la ak ensekirite a ki anpeche reyinyon sou sijè sa a...


Ayiti-MonCash: Pwotestasyon kont ajisteman nan frè retrè

Desizyon Digicel pou ajiste frè retrè MonCash pa byen resevwa malgre eksplikasyon ofisyèl yo bay nan yon deklarasyon. Epi pou di non ak desizyon sa a, manm popilasyon an te òganize yon chita jodi lendi 18 oktòb sa devan katye jeneral konpayi an nan Turgeau…


Ayiti-sikilasyon: 14 moun mouri ak 77 blese nan yon semèn

Daprè òganizasyon Stop Aksidan , peyi a anrejistre 14 moun ki mouri ak 77 blese pou yon total 26 ka aksidan sòti 11 pou rive 17 oktòb 2021…


Annou Kwape Pwopagasyon Kowonaviris

Nap kontinye respekte depa distans sosyal la

Nap kontinye pote mask nan lye piblik yo

Nap kontinye respekte rèk ijèn yo


SAL NOUVÈL

BLAISE Charles


REDAKSYON

BOUCHER Calixte


REPÒTAJ

Chasseurs en Action


L’ACTU EN BRÈF

Une vraie Vision en Matière d’Information en Ligne



7 views
Who's Behind The Blog
Recommanded Reading
Search By Tags
Follow "THIS JUST IN"
  • Facebook Basic Black
  • Twitter Basic Black
  • Black Google+ Icon