Search
  • Calixte Boucher

Rezime nouvèl ki te fè aktyalite Jounen mèkredi 17 fevriye 2021

Ayiti / Imigrasyon : Dè santèn imigran sitou Ayisyen entèsepte nan fwontyè Brezil-Perou

Gen anviwon 450 imigran, sitou Ayisyen, ki te pase 6 jou bloke ap eseye san siksè antre nan peyi Perou ki te sòti nan peyi Brezil sou yon pon fwontyè nan Amazon la, ke militè yo ak lapolis rive kenbe, daprè sa Agence France Presse rapòte jodi Mèkredi 17 fevriye 2021an’...



Ayiti- Kanaval: "Pa gen okenn ka lanmò oswa blesi grav ki anrejistre", daprè yon premye rapò pasyèl

Daprè yon premye rapò pasyèl, pa gen okenn ka lanmò oswa blesi grav ki anrejistre pou 3 jou madigra yo nan Port-de-Paix. Se sa Direktè Egzekitif OFATMA a, Dr Agabus Joseph fè konnen...


Ayiti / Ankèt : Aprè yon acha yon Villa nan Kanada, RNDDH mande yon ankèt sou byen Senatè Rony Celestin

Apre piblikasyon " yon jounal Kanadyen ", fè sou Ansyen Senatè Rony Celestin ak madanm li, ki achte yon Villa pou plis pase 4 milyon dola ameriken, RNDDH mande yon ankèt...



Ayiti-Ensekirite: 2 moun mouri ak plizyè lòt blese nan yon fiziyad nan Laboule 12

Nan yon Fiziyad ki te fèt nan Désiré, yon lokalite ki nan Laboule 12, jodi Mèkredi 17 fevriye 2021 an, nan apremidi, gen pou pipiti 2 moun ki pèdi lavi yo ak plizyè lòt blese…



Ayiti / Nouvèl: Yon komisyon kont diktati Sektè Pwotestan an kreye an Ayiti

Konferans Pastè Ayisyen yo (COPAH), Konsèy Nasyonal Espirityèl Legliz yo an Ayiti (CONASPEH), Federasyon Pastè Ayisyen yo (FEPAH) ak Federasyon Pwotestan Ayiti (FPH) kreye yon komisyon ki rele "Komisyon Pwotestan kont Diktati an Ayiti (CPCDH). Anons sa a te fèt nan yon nòt pou laprès, jodi Mèkredi 17 fevriye 2021 an…

Ayiti-Kriz: Asistan Sekretè Deta Ameriken Julie Chung pè

Adjwen Sekretè Deta a, Julie Chung, di li pè pou sitiyasyon aktyèl la nan peyi Dayiti. Ofisyèl la fè referans ak anpil sitiyasyon e zak malonèt ak ensekirite san konte atak sou jounalis elatriye...



Kafou: Kontinyasyon manifestasyon pou mande liberasyon fanmi Jij Yvickel Dabrezil

Manifestasyon kontinye nan Kafou pou kontinye mande pou yo libere chofè a ak ofisye polis yo ki nan sekirite jij Yvickel Dabrezil. Manifestan te bloke plizyè atè nan vil sa a yè Madi ki te 16 fevriye 2021 an...



Bahamas: sispansyon tanporèman vòl li yo ak lyen maritim yo ak Ayiti

Bahamas te anonse yè Madi 16 fevriye 2021 an, ke li sispansyon tanporèman tout vòl komèsyal ak sèvis bato ki soti an Ayiti, kòm yon prekosyon kont risk koronaviris la gaye nan teritwa li a. Mezi sa a pran akòz fèstivite kanaval ki sot fèt nan peyi a.




ANNOU KWAPE KOWONAVIRIS

Nap kenbe Distans

Nap mete Mas

Nap lave Men

·

REDAKSYON

Equipe Salle des Nouvelles


REPÒTAJ

Chasseurs en Action


L’ACTU EN BRÈF

Une vraie Vision en Matière d’Information en Ligne

11 views
Who's Behind The Blog
Recommanded Reading
Search By Tags
Follow "THIS JUST IN"
  • Facebook Basic Black
  • Twitter Basic Black
  • Black Google+ Icon